Łisnãło w Mùzeùm. Stanisłôw Janka i Jegò dokôzë
Nowé wëdanié, zrëchtowóné w dzysdniowim pisënkù kaszëbsczim, dwùch prozatorsczich dokôzów Stanisława Janke „Łiskawica” i „Psë”, promòwóné bëło 24 séwnika w Mùzeùm Pismieniznë i Kaszëbskò-Pòmòrsczi Mùzyczi we Wejrowie.
Pòstrzód zeszłëch gòscy nalezlë sã m.jin Wejrowskô Starosta Gabrielã Lisius, Senatór RP Kazmiérz Kleina, direktorzë môlowëch bibliotéków, pisôrze a ùtwórcowie z Wejrowa i òkòlégò.
Zéńdzenié a gôdkã ze Stanisławã Janke prowadzył redaktór cządnika „Pomerania” Dariusz Majkòwsczi. Referat ò prozatorsczich dokôzach Janczégò wëgłosył prof. Daniel Kalinowsczi z Pòmòrsczi Akademie w Słëpskù. Sztëczczi prozë aùtora czëta młodô kaszëbskô recytatorka Joanna Skrzëpkòwskô z Lëzëna, co je nôleżniczką Karna Młodëch Kaszëbów „Nowô tatczëzna”, co mô swòjã sedzbã prawie w wejrowsczim mùzeùm.
Ksążkã wëdała Wëdôwizna Kaszëbskò-Pòmòrsczégò Zrzeszeniô. Zbiérk je do kùpieniô w Mùzeùm. Promòcjô zbiérkù bëła dzélã XI Dniów Kùlturë Wejrowsczégò Pòwiatu.
Ji mùzealnym dozérôczã béł Róman Drzéżdżón.
rd,tf
foto. rd
Polecamy relację Twojej Telewizji Morskiej:
http://www.telewizjattm.pl/dzien/2015-09-27/35349-opowiesci-s-janke-w-muzeum.html?play=on
Galeria zdjęć: