Féniks w Mùzeùm
We wtórk, 27 rujana, w Wejrowsczim Mùzeùm bëła promòwónô nônowszô pòwiesc Artura Jabłońsczégò pt. „Fényks”. No lëteracczé zéńdzenié przëchłoscëło wiele lubòtników kaszëbsczi lëteraturë a przëdstôwców môlowëch władzów, m.jin. bëła starosta wejrowsczégò pòwiatu Gabriela Lisius. Z aùtorã ò jegò pisarstwie, widzenim swiata a sznëkrowanim za słowama gôdôł przédny redachtór miesãcznika „Pomerania” Dariusz Majkòwsczi. Sztëczczi pòwiescë czëtelë Ana i Adóm Héblowie. Promòcjã zakùńczëła sã kòńcertã Weróniczi Kòrthals-Tartas z zespòłã.
„Fényks” ùkôzôł sã nôdkładã Wëdôwiznë Region z Gdinie. Pòwiesc „Fényks” je slédnym dzélã trzëksãgù, w jaczégò skłôd wchôdają „Namerkôny” i „Smùgã”. Ksążka je do kùpieniô w najim Mùzeùm.
rd
Galeria zdjęć: