Jubileusz 70.lecia urodzin prof. Józefa Borzyszkowskiego
W Ratuszu Staromiejskim w Gdańsku, 6 lutego 2016r. miała miejsce wielka gala urodzinowa prof. Józefa Borzyszkowskiego - Kaszuby, historyka, działacza społecznego. Uroczystość zgromadziła wielkie tłumy przyjaciół Jubilata. Byli obecni przedstawiciele duchowieństwa, parlamentarzyści, władze samorządowe, uniwersyteckie, przedstawiciele różnych organizacji społecznych, muzealnicy.
Muzeum Piśmiennictwa i Muzyki Kaszubsko-Pomorskiej w Wejherowie reprezentowali dyrektor Tomasz Fopke i kustosz Janina Kurowska. Czcigodnemu Jubilatowi złożyli życzenia również w imieniu władz Powiatu Wejherowskiego.
Z okazji tego jubileuszu ukazała się książka pt. Sztambuch przyjacielski Józefa Borzyszkowskiego, wydana przez Instytut Kaszubski. Publikacja zawiera wpisy: życzenia, podziękowania, wspomnienia 72 osób, w tym pracowników wejherowskiego Muzeum, jedyny wpis w języku kaszubskim w tej publikacji.
opr. Janina Kurowska
Autor szkicu portretu: Krzysztof Wieliczko
Wpis do „Sztambucha”: Prôcownicë Mùzeùm Kaszëbskò-Pòmòrsczi Pismieniznë i Mùzyczi w Wejrowie
Ròbòcy jak Kaszëba
Profesór Józef Bòrzëszkòwsczi
Mëszlącë Profesór Józef Bòrzëszkòwski, më mùzealnicë z Mùzeùm Kaszëbskò-Pòmòrsczi Pismieniznë i Mùzyczi w Wejrowie, gôdómë: ROBÒTA. Kò to bez wielalatnégò dzejaniégò Profesora, jakò zbiérôcza a „pòstrzédniaka” w przekôzywanim rozmajitëch spôdkòwiznów, naju zbiorë na gwës bëłëbë wiele biédniészé. A tak, dzãka Jegò wiôldżim staróm, mdzemë mielë co robic bez wiela, wiela lat, a pewno jesz dłëżi, kò wcyg jesmë wzywóny do Profesora pò òdbiér pòstãpnëch ksążków, cządników a dokùmeńtów… Ë dzãka mù za to!
Kùli tegò je? Drãgò zrechòwac a nie je téż wiedzec jaką miarą mùszi je mierzëc: métrama, kilométrama, kilogramama a mòże… tonama? Chcemë rzec chòcbë ò zbiorach dokùmeńtów zrzeszonëch z Wielã z XIX i XX stalata, archiwùm Kaszëbsczégò Jinstitutu, senatorsczé archiwùm J. Bòrzëszkòwsczégò, spôdkòwiznach Juliana Ridzkòwsczégò, Frãcëszka Fenikòwsczégò, ks. Kazmiérza Raepke, Tadeùsza Bòlduana czë ks. Frãcëszka Kòsczi. Zbiorë negò slédnégò – òbrazë, kinketë, lëchtôrze, Profesór przëwiózł z Niemców a flot nëkôł z grańcë, bë nocną gòdzëną wëładowac je w najim Mùzeùm.
Mëszlącë Profesór Bòrzëszkòwsczi widzymë służbòwą wòłgã! Kò tim aùtółã jezdzył do Wejrowa, czedë w latach 90. béł gduńsczim wicewòjewòdą. A jezdzył, bë załatwic przekôzanié XVIII-stalatnégò pałacu von Keyserlingków na sedzbã najégò mùzeùm. Dzãka Jegò, a téż nenczasnégò prezydeńta Wejrowa Jerzégò Bùdnika, kùratór òswiatë we Gduńskù Danutë Kledzyk ë direktora Elektrownie w Żarnówcu dr Henrika Torbicczégò, staranióm, më mùzaelnicë, mòżemë czëc sã jak jaczi grafòwie, a naju zbiorë mòżemë w bezpiekù przechòwëwac. Profesór téż zaangażowôł sã w pòzëskanié dëtków na remòńt pałacu. Pùkôł do wiela dwiérzów a załatwił fùńdusze m.jin. w Ministerstwie Kultury i Sztuki, Fundacji Hermanna-Niermanna z Düsseldorfu, Fundacje Współpracy Pòlsko-Niemieckiej czë Fundacji Na Rzecz Nauki Polskiej.
W latach 1995-2000 béł Profesór nôleżnikã naju Radë Mùzeùm. Wiele mùzealnëch ùdbów realizowónëch bëło dzãka Jegò żëczlëwòscë, wspiarcym a zaangażowanim. Wskôzywôł w jaczim czerënkù mô sã naju Mùzeùm rozwijac. Meritoriczno wspiérôł òrganizacjã wiela wëstawów, czãsto wëpòżiczôł téż na nie swòje zbiorë. Tuwò znôwù drãgò je wszëtczé wëmienic, bëłë to m.jin. wëstawë ò kaszëbsczich dzejôrzach a pisôrzach: Florianie Cenôwie, Heronimie Derdowsczim, Aleksandrze Majkòwsczim; wëstawë tikajacé sã historie i kùlturë Kaszëbsczi: „Ruch kaszubsko-pomorski w XIX-XXI wieku”, „O Kaszubach w Kanadzie (1858-2008)”…
Mùszi téż w nym placu nadczidnąc ò ùdzélu, òrganizacji czë meritoricznym wspiarcym wiela kònferencjów rëchtowónëch bez naju Mùzeùm, czãsto ò midzënôrodnym zasygù. Na przëmiôr w 1993 rokù w Pilëcach òdbëła sã kònferencjô pt. „Piśmiennictwo kaszubskie w Polsce i na świecie” (z ùdzélã Ferdinanda Neureitera aùtora Historii literatury kaszubskiej), negò samégò rokù kònferencjô pt. „Dzieje. Kultura. Środowisko”, w 1998 kònferencjô z leżnoscë 30 lat dzejaniégò MK-PPiM pt. „Muzea, a dziedzictwo kulturowe Pomorza”… Do te Profesór redagòwôł pòkònferencjowé zbiérczi, np. Życie i twórczość Aleksandra Majkowskiego (1997), Klëka. Leon Roppel i wejherowska „Klëka” (2008).
Mëszlącë Profesór Bòrzëszkòwsczi czëjemë pôchã przegrzewónégò najégò ksera i skanera… czej nót bëło na Jegò zamówienié kòpiowac, brëkòwné Mù do pisaniô mònografiów historicznëch, biografiów a nôùkòwëch dokôzów, dokùmeńtë czë òdjimczi. A napisôł, czë téż zredagòwôł, jejich Profesór skòpicą. Wëmienic mòże chòcbë Historię Wejherowa (1998), Aleksander Majkowski (1876-1938) (2002), Bajarz kaszubski. Bajki z „Gryfa” (908-1912) (2005), Pro memoria Julian Rydzkowski (1891-1978) (2011), Pro memoria Gerard Labuda (1916-2010) (2011), Pro memoria Izabella Trojanowska (1929-1995) (2015). Dzél z nëch ksążków wëdôwóny béł bez Kaszëbsczi Jinstitut wespół z najim Mùzeùm…
Mëszlącë Profesór Józef Bòrzëszkòwsczi widzymë Jegò wiôldżé wspiarcé dlô najégò Mùzeùm, Jegò zaangażowanié w kaszëbskò-pòmòrsczim dzejanim a Jegò stolemną ROBÒTÃ dlô naji kaszëbsczi zemi…
Opr. Roman Drzeżdżon, Janina Kurowska